Махачев пен Делла Маддалена титул үшін жекпе-жекке шығады
Жекпе-жек
FightTime
UFC ресми түрде Ислам Махачевтің келесі қарсыласын жариялады. Бұрынғы жеңіл салмақтағы чемпион енді жартылай орта салмаққа көтеріліп, титулдық жекпе-жек өткізеді. Оның қарсыласы – аустралиялық Джек Делла Маддалена.
Бұл жекпе-жек 2025 жылдың 16 қарашасында Нью-Йоркте өтетін UFC 322 турнирінің басты оқиғасы болмақ.
Еске салайық, Ислам Махачев осы жылдың басында өз еркімен жеңіл салмақтағы белбеуден бас тартып, жаңа салмақта өнер көрсетуге шешім қабылдады. Оның соңғы кездесуі 2025 жылдың қаңтарында өткен болатын. Сол жекпе-жекте ол бразилиялық Ренато Мойканоны сабмишн әдісімен жеңіп, чемпиондық атағын сәтті қорғаған еді.