Қайрат Боранбаев: «Футболшылар грандтарға қарсы өздерін дәлелдеуді қалайды»
Футбол
КазТАГ
«Қайрат» футбол клубының бақылау кеңесінің төрағасы Қайрат Боранбаев УЕФА Чемпиондар лигасының жалпы топтық кезеңіне арналған жеребе қорытындысына пікір білдірді, деп хабарлайды Bassport.kz.
— Жеребе өте қызықты болды. Қазақстанға мұндай деңгейдегі грандтар бұрын-соңды келген емес. Біз үлкен қолдау болатынына сенеміз. Қала мен ел қайтадан футболмен тыныстап жатқанын көрудеміз. Еуропаның үздік 36 клубының қатарына ену – үлкен жетістік, қымбатқа түскен еңбек. «Реалға» түскен сәттегі футболшылардың эмоциясы? Олар грандтарға қарсы өздерінің деңгейін көрсетуді қалайды, — деді Боранбаев «Спорт-Экспресске» берген сұхбатында.
Еске сала кетейік, кеше өткен жеребе нәтижесінде «Қайраттың» қарсыластары анықталды. Алматылық клуб келесі командалармен бақ сынайды: «Реал», «Интер», «Брюгге», «Арсенал», «Олимпиакос», «Спортинг», «Пафос» және «Копенгаген».