UFC төрт бірдей спортшымен қоштасты
Бетобзор
АҚШ-тың әйгілі UFC промоушені өз тізімін жаңарту мақсатында кезекті «тазарту» науқанын өткізіп, төрт спортшымен келісімшартты үзді, деп хабарлайды Bassport.kz.
Тізімге енген файтерлер:
• Джордан Вученич (Ұлыбритания) – жеңіл салмақ (70 кг), рекорд: 13-4, UFC: 0-2;
• Тревин Джайлс (АҚШ) – жартылай орта салмақ (77 кг), рекорд: 16-7, UFC: 7-7;
• Вивиан Араужо (Бразилия) – әйелдер арасындағы ең жеңіл салмақ (57 кг), рекорд: 13-7, UFC: 7-6;
• Эндж Луса (Конго Демократиялық Республикасы) – жартылай орта салмақ (77 кг), рекорд: 10-5, UFC: 2-3.
UFC басшылығы мұндай шешімдерді ұйымның бәсекелестік деңгейін жоғары деңгейде сақтау және жаңа есімдерге жол ашу мақсатында қабылдайды. Әсіресе, рейтинг пен орын үшін үздіксіз бәсеке жүріп жатқан жартылай орта және жеңіл салмақтардағы өзгерістер ұйым ішіндегі динамиканы арттыруға бағытталған.
Айта кетейік, Вивиан Араужо әйелдер дивизионында тәжірибесі мол спортшы ретінде танылып келген, ал Тревин Джайлс UFC-де оннан астам жекпе-жек өткізіп, тұрақсыз нәтиже көрсеткен еді.