Тоқаев әлеуметтік желідегі танымал күш иесін құттықтады
Басқа
ҚР ТСМ
Қазақстан Президенті Қасым-Жомарт Тоқаевтың атынан еліміздің танымал алып күш иесі Сергей Цырульников 40 жасымен құттықталды.
Құттықтауды Мемлекет басшысының атынан Қазақстан Республикасының Туризм және спорт министрі Ербол Мырзабосынов жеткізді. Министр Цырульниковті «заманауи батыр» деп атап, оның спорттағы жетістіктері мен ел арасында салауатты өмір салтын насихаттаудағы еңбегіне жоғары баға берді.
Қара күш иесі Сергей Цырульников әлемнің және Қазақстанның бірнеше дүркін рекордшысы. Сондай-ақ ол «100 ауыл» әлеуметтік жобасы аясында ауыл жастарының тәрбиесімен айналысып, мастер-класстар, ашық жаттығулар және мотивациялық кездесулер өткізіп келеді.