Жәнібек Әлімханұлы барлық белбеуінен айырылып қалуы мүмкін
Бокс
Ұйымдастырушылар комитеті
Орта салмақта WBO және IBF тұжырымдары бойынша әлем чемпионы, қазақстандық Жәнібек Әлімханұлы 5 сәуірде Астанада өтетін жекпе-жекте екі бірдей чемпиондық белбеуін қорғайды, деп хабарлайды Bassport.kz.
«Барыс Аренада» өтетін бокс кешінің басты айқасында оның қарсыласы – француз Анауэль Нгамиссенге. Жекпе-жек қарсаңында француз боксшысы өз сенімділігін жасырмады.
— Сіз Жәнібектің елінде жұдырықтасасыз. Егер жекпе-жек соңына дейін жетсе, төрешілер шешімінен қорықпайсыз ба?
— Мақсат – жекпе-жекті қашықтықта жеңу. Шетелде жұдырықтасқанда әр раундты ұтып отыру керек. Себебі әрдайым тәуекел бар. Мен оны тактикалық жағынан басып озуым керек, – деді Нгамиссенге Fight Sports-қа берген сұхбатында.
Айта кетейік, бұл кездесуде Жәнібек «Қазақ стилі» лақап атымен танымал, және ол осы жекпе-жекте WBO мен IBF белбеулерін қатар қорғауға шығады. Француз боксшысы жеңіске жетсе, отандасымыз барлық титулынан айырылуы мүмкін.