Жәнібек Әлімханұлының менеджері: “Жәнібек ақсақалдардың тәрбиесін көріп өскен” (ВИДЕО)
Бокс
Әлеуметтік желі
3 сәуір күні IBF және WBO нұсқалары бойынша орта салмақтағы әлем чемпионы Жәнібек Әлімханұлы (16-0, 11 KO) мен франциялық қарсыласы Анауэль Нгамиссингемен (14-0, 9 KO) Астанада өткен баспасөз жиынында кездесті. Жиын барысында қазақстандық боксшының менеджері Берік Сұлтан Жәнібектің болмысы жайлы жылы пікір білдірді.
— Айқай-шуға, ерегесуге табиғатынан алыс. Ақсақалдардың тәрбиесін көрген, кішіпейіл, “ұят болады” дегенді түсінетін жігіт, – деді ол.
Айта кетейік, көптен күткен жекпе-жек 5 сәуір күні өтеді. Бұл күні жанкүйерлер тек Әлімханұлы – Нгамиссинге айқасын ғана емес, басқа да мықты отандық боксшылардың өнерін тамашалай алады. Рингке Сұлтан Заурбек, Батыр Жүкембаев, Балауса Мұздыман шығады. Сонымен қатар, кәсіби аренада алғаш рет ағайынды Махмұд пен Төрехан Сабырхандар дебют жасайды.