Хамзат Чимаев Ұлыбританияда не үшін ұсталғанын айтты
Жекпе-жек
Getty Images
UFC-дің жеңілмеген жұлдызы, орта салмақта өнер көрсететін шешен спортшысы Хамзат Чимаев Ұлыбританияда не себепті ұсталғанын түсіндірді, деп хабарлайды Bassport.kz.
Azamat chef YouTube-арнасына берген сұхбатында ол Конор МакГрегормен спарринг өткізу үшін Ирландияға бармақ болғанын айтты. Бұл Конордың Хабиб Нурмагомедовпен болатын жекпе-жегінің алдында болған.
— Бір таныс шешен спортшысын Конор спарринг кезінде құлатып, оны фотоға түсіріп, әлеуметтік желіге жариялаған. Содан кейін достарым маған: «Сен де Конормен спарринг жасап көр», — деді. Мен келістім де, ұшып бардым. Бірақ Конорды таба алмадым, — деді Чимаев.
Алайда ол Ирландияға жетпей, Ұлыбритания әуежайында ұсталған.
— Әуежайда мені ұстап, елге кіргізбей, қайта қайтарды. Мүмкін, мені басқа біреумен шатастырған болар. Кейінірек маған Ұлыбритания билігі хат жіберіп, кез келген уақытта қайта келе алатынымды хабарлады, — деп түсіндірді Хамзат.