Жәнібек Әлімханұлы келесі салмаққа өте ме? (ВИДЕО)
Бокс
Ұйымдастыру комитеті
3 сәуір күні өткен баспасөз жиынында IBF және WBO нұсқалары бойынша орта салмақтағы әлем чемпионы Жәнібек Әлімханұлы (16-0, 11 KO) өзінің келесі салмақ дәрежесіне ауысу мүмкіндігі туралы пікір білдірді.
— Қазіргі кезде әртүрлі ұсыныстар түсіп жатыр. Қарастырып та жатырмыз. Өзімізге де қызықты. 72 кг салмақ дәрежесінде барлық 4 титулды жеңіп алғым келеді, – деді боксшы.
Еске сала кетейік, 5 сәуір күні Жәнібек франциялық Анауэль Нгамиссингемен (14-0, 9 KO) жекпе-жек өткізеді. Бұл бокс кешінде сонымен қатар Сұлтан Заурбек, Батыр Жүкембаев, Балауса Мұздыман сынды қазақстандық боксшылар да жұдырықтасады. Ал ағайынды Махмұд пен Төрехан Сабырхандар кәсіпқой рингтегі алғашқы жекпе-жектерін өткізеді.