Жартылай финалда қазақ боксшысы өзбек спортшысынан жеңілді
Бокс
ҚБФ
Қазақстандық Даниял Сапарбай Бразилияның Фос-ду-Игуасу қаласында өтіп жатқан World Boxing ұйымының алғашқы әлем кубогында қола жүлдеге ие болды.
Жартылай финалда ол өзбекстандық Джахонгир Зокировпен кездесіп, 0:5 есебімен жеңіліп қалды. Бұл нәтиже Даниялға +90 келі салмақ дәрежесінде үшінші орын әперді.
Бүгін жарыстың жартылай финалында Қазақстан құрамасынан тағы бес боксшы шаршы алаңға шығады:
– Нұрсұлтан Алтынбек (55 кг)
– Диас Молжігітов (75 кг)
– Дәулет Төлемісов (85 кг)
– Жазира Орақбаева (51 кг)
– Ұлжан Сәрсенбек (57 кг)