Батыр Жүкембаев Астанадағы жекпе-жек алдында жақсы жаңалық естіді
Жекпе-жек
Әлеуметтік желі
Жартылай орта салмақтағы қазақстандық боксшы Батыр Жүкембаев (23-1, 17 KO) 5 сәуір күні Астанада өтетін жекпе-жекте британдық Кейн Гарднерге (17-4, 7 KO) қарсы айқын фаворит ретінде танылды, деп хабарлайды Bassport.kz.
Asian Boxing порталының пікірінше, бұл кездесудегі жеңіс Батырды әлем чемпионы титулына бір қадам жақындата түседі.
— Жүкембаев 2021 жылы Субриэль Матиястан ауыр жеңіліске ұшырағаннан кейін қатарынан бес жекпе-жекте жеңіске жетті. Егер осы жеңісті серияны жалғастырса, тағы бір титулдық мүмкіндікке ие болуы әбден мүмкін, — деп жазады басылым.
Айта кетейік, 5 сәуір күні Астанада өтетін бокс кешінің басты жекпе-жегі — орта салмақтағы Жәнібек Әлімханұлы мен Анауэль Нгамиссенге арасындағы кездесу болмақ.