Жамиля Бакбергенова Азия чемпионатында алтын медальды кімнің арқасында жеңгенін айтты
Күрес
ҰОК
Иорданияда өткен күрестен Азия чемпионатында Қазақстан қоржынына алтынды салған Жамиля Бакбергенова өзінің әлеуметтік желідегі парақшасында әсерлі жазба қалдырды, деп хабарлайды Bassport.kz.
— Егер тынымсыз еңбек етсең, жемісін де көресің… Көп жылдық қажырлы еңбектің, төгілген тердің арқасында Азия чемпионатының төрт дүркін жеңімпазы атандым. Аллаға шүкір. Бұл жеңіс оңай келген жоқ. Біз көптеген қиындықтарға қарамастан үздіксіз еңбектендік. Соның арқасында біртіндеп мақсатқа жақындап келеміз.
Әрине, мұндай жетістікке жалғыз өзім жетпес едім. Ең алдымен әрдайым жанымнан табылатын бапкерім Нұрсұлтан Теміровке алғысым шексіз! Сондай-ақ құраманың басқа да жаттықтырушыларына, командаластарым мен маған сенім артып, қолдау көрсеткен спарринг серігіме үлкен рақмет! Бұдан бөлек, әрдайым жанкүйер болып жүрген ата-анама, туған-туыстарыма және барша жанкүйерлерге алғыс білдіремін!
Жеңіс ешқашан жалықтырмайды. Әлі де аянбай еңбек етіп жатырмын. Біздің үлкен мақсаттарымыз бар екені жасырын емес. Сенім артқан, үміт күткен жандардың үмітін ақтап, сол биіктерге жетемін деп сенемін! — деп жазды Жамиля.