Головкиннің тарихи жетістігі әлемді тәнті етті

Бокс
Ring Magazine
Орта салмақтағы бұрынғы әлем чемпионы, қазақстандық Геннадий Головкиннің (42-2-1, 37 KO) мансабындағы ерекше жетістік беделді The Ring басылымының назарынан тыс қалмады, деп хабарлайды Bassport.kz.
Басылым атап өткендей, кәсіпқой рингте 45 жекпе-жек өткізген GGG ешқашан нокдаунға түспеген, нокаутқа ұшырамаған. Бұл – қазіргі заманның ең мықты панчерлерімен кездескен боксшы үшін тарихи көрсеткіш.
«Геннадий Головкин өз дәуірінің соққысы ауыр боксшыларымен жұдырықтасса да, ешқашан құлаған емес», – деп жазды The Ring X-тағы ресми парақшасы.
Айта кетейік, Геннадий Головкин кәсіпқой мансабында небәрі екі рет жеңілген – екі жағдайда да мексикалық Сауль «Канело» Альварестен ұтылған.