Жәнібек Әлімханұлының дивизионына жаңа тыныс беретін боксшының есімі аталды
Бокс
Ашық дереккөзден
Worldboxingnews.com сайтының бокс шолушысы Фил Джейдің мәліметінше, америкалық жұлдыз Терренс Кроуфордтың орта салмаққа ауысу ықтималдығы Жәнібек Әлімханұлы өнер көрсететін дивизионға жаңа серпін әкелуі мүмкін, деп хабарлайды Bassport.kz.
Сарапшы қазіргі орта салмақта нақты мақсаттың жоқ екенін атап өтті. Жанкүйерлер күткен Жәнібек Әлімханұлы мен Карлос Адамес арасындағы үш белбеуді біріктіру жекпе-жегіне қатысты келіссөздер тоқтап қалған.
Бұған қоса, Джермалл Чарло 168 фунт салмаққа толық ауысып, Геннадий Головкин мансабын аяқтады, ал Хайме Мунгия ауыр салмаққа көшкен. Осы себепті орта салмақтың беделі соңғы уақытта төмендеп келеді.
«Кроуфордтың бұл дивизионға келуі жағдайды түбегейлі өзгерте алады. Ол „Канело“ Альваресті сенсациялық жеңгеннен кейін салмақ дәрежесіне қарамастан үздік боксшы екенін дәлелдеді. Оның орта салмаққа қосылуы бұл салмаққа жаңа қызығушылық пен қарқын сыйлары анық», – деп жазады Фил Джей.