Бүгін – алты айқас: қазақ боксшылары әлем чемпионатында
KBF
Англияның Ливерпуль қаласында өтіп жатқан бокстан әлем чемпионатында Қазақстан құрамасы жарысты сәтті жалғастырып келеді. Бірнеше күн бойы өткен жекпе-жектерден кейін ұлттық құрама сапындағы бірқатар спортшылар шешуші кезеңдерге жолдама алды.
12 қыркүйек — Қазақстан құрамасы үшін маңызды күн, бірден алты боксшымыз шаршы алаңға шығады.
Күндізгі сессия (16:00):
– 48 кг – 1/4 финал – Назым Қызайбай – Ханна Охота (Украина)
– 50 кг – 1/4 финал – Санжар Тәшкенбай – Жадумани Сингх (Үндістан)
– 60 кг – 1/2 финал – Виктория Графеева – Ребека Де Лима (Бразилия)
Кешкі сессия (22:00):
– 65 кг – 1/2 финал – Аида Әбікеева – Грейн Мэри Иолш (Ирландия)
– +80 кг – 1/2 финал – Елдана Талипова – Агата Кацмарска (Польша)
– +90 кг – 1/2 финал – Айбек Оралбай – Хулио Сесар ла Крус (Куба)
Айта кетсек, кубалық Хулио Сесар ла Крус — Олимпиада чемпионы әрі төрт дүркін әлем чемпионы. Сондықтан Айбек Оралбайдың жекпе-жегі турнирдің ең тартысты кездесулерінің бірі болмақ.
Қазақстан құрамасы әзірге жалпыкомандалық есепте екінші орында тұр. Алдағы күндері жартылай финал мен финал кезеңдерінде ұлттық құрама үшін шешуші айқастар өтеді.