Қазақстандық клубтар Еурокубоктік ойындарда қалай ойнады?
Ақтөбе ФК
Еурокубоктардың іріктеу кезеңінде өнер көрсетіп жатқан қазақстандық клубтар өз ойындарын өткізді.
«Астана» — «Зимбру» (1:1)
Астана қаласында өткен кездесуде алаң иелері молдавалық «Зимбруға» қарсы ойын басталған сәттен-ақ басымдық танытты. Дегенмен, бірінші таймда көптеген сәттерді голға айналдыра алмады. Керісінше, үзіліске санаулы секундтар қалғанда қонақтар есеп ашты — 45+1-минутта Гай Дахан алыстан соққы жасап, допты қақпаның тоғыздығына дәл бағыттады.
Екінші таймда қазақстандық клубтың шабуылы қарқын алды. 56-минутта Иван Башич таразы басын теңестірді. Қалған уақыт ішінде «Астана» бірнеше мүмкіндікті пайдалана алмай, матч 1:1 есебімен аяқталды.
Жауапты ойын 31 шілде күні Кишиневте өтеді.
«Ақтөбе» — «Спарта» (2:1)
Конференциялар лигасының іріктеу кезеңінде Ақтөбеде өткен матчта жергілікті клуб Чехияның мықты ұжымдарының бірі — прагалық «Спартаны» қабылдады. Матч басынан-ақ қонақтар белсенді бастады, алайда Андрей Влад қақпада сенімді ойнап, бірнеше қауіпті соққыны қайтарды. Ал 29-минутта алаң иелері есеп ашты — Даниэль Соса айып алаңына жасалған допты баспен тиімді аяқтап, командасын алға шығарды.
Ойынның екінші бөлігінде екі команда да шабуылдарға иек артты. 82-минутта Оралхан Өміртаев бірден-бір шыққан сәтті пайдаланып, есепті 2:0-ге жеткізді. Алайда 90-минутта қарсыластар пенальтиден гол соғып, есеп 2:1 болып тіркелді.
Бұл кездесудің де қарымта ойыны 31 шілде күні Чехия астанасында өтеді.
Айта кетейік, Еурокубоктардағы іріктеу кезеңдерінің келесі ойындары Қазақстан командалары үшін шешуші болмақ.