Шавкат Рахмоновтың бұрынғы қарсыласы UFC-де «толық жою» болатынын болжады
Бокс
Жекпе-жек
Getty Images
UFC ұйымының жартылай орта салмақтағы үздік жекпе-жек шебері Иэн Мачадо Гэрри Камару Усман мен Хоакин Бакли арасындағы алдағы жекпе-жекке қатысты өз болжамын айтты, деп хабарлайды Bassport.kz Sport24.ru сайтына сілтеме жасап.
«Баклидің маған қарсы айтқан сөздері ме? Ол тек үмітсіздікте жүрген адам. Бар түсініктеме — осы. Оған қарап аяп кетесің. Ол ешкімге қызық емес, сондықтан ол басқа адамдардың есімі арқылы өзіне назар аудартуға тырысады. Бірақ бәрі жақсы, не істегісі келсе, соны істей берсін. Бакли мен Усман жекпе-жегі ме? Меніңше, ол Усманды таптап өтеді. Бұл жай ғана жеңіс емес, бұл толықтай жойып жіберу болады», — деді Гэрри bjpenn.com сайтына берген сұхбатында.
Еске сала кетейік, 2024 жылғы желтоқсанда Иэн Гэрри қазақстандық Шавкат Рахмоновпен жекпе-жекте төрешілердің бірауыздан шығарған шешімімен жеңіліп қалған болатын.
UFC on ESPN 69 турнирінің басты жекпе-жегі — Камару Усман мен Хоакин Бакли арасындағы кездесу 15 маусымда өтеді.