Ренато Мойкано: «Майкл Чендлер енді ТОП-белсенділер қатарына жатпайды»
Бразилиялық UFC-дің жеңіл салмақтағы бұрынғы үміткері Ренато Мойкано Bellator ұйымының экс-чемпионы Майкл Чендлердің қазіргі деңгейін сынға алды. Оның пікірінше, Чендлер Пэдди Пимблеттен жеңілгеннен кейін ТОП-15 рейтингісіндегі ешбір спортшымен тайталаса алмайды, - деп хабарлайды Bassport.kz сайты.
– Чендлерді енді ТОП-боец деп айтуға болмайды. Қазір ол ТОП-15-тегі ешкімді жеңе алмайды. Иә, менің оған деген жеке антипатиям бар шығар, бірақ мен дәл қазір объективті пікір айтып отырмын. Оны файтер ретінде құрметтеймін, бірақ ол енді жеткілікті деңгейде мықты емес. Мен Пимблеттің оны жеңетініне сенімді болдым. Бірақ мені таңғалдырғаны – Майклдың жекпе-жек басында күреске сүйенуі. Чендлер көзге көрініп қартайып келеді, оған жоғары қарқынмен күресу қиын болып барады, – деді Мойкано MMA Fighting порталына берген сұхбатында.
Айта кетейік, Майкл Чендлер соңғы жекпе-жегін 2025 жылдың сәуір айында өткен UFC 314 турнирінде өткізді. Онда ол Пэдди Пимблеттен үшінші раундта техникалық нокаутпен жеңілді. Бұл – Чендлердің соңғы алты кездесуіндегі бесінші жеңілісі болды.