«Астана» өз алаңында ВТБ Бірыңғай лигасында ірі есеппен жеңілді
Баскетбол
Астана БК
Елорда командасы ВТБ Бірыңғай лигасы аясында өз алаңында кезекті матчін өткізді, деп хабарлайды Bassport.kz.
Глеб Плотников баптайтын «Астана» бұл жолы Пермь өлкесінің «Парма» клубын қабылдады. Бірінші кезеңде алаң иелері аз ғана басымдықпен алда болғанымен, кейінгі үш кезеңде толықтай басымдықты қарсыластарына беріп қойды. Кездесу қорытындысы — «Парма» пайдасына 87:56.
«Астананың» ең нәтижелі ойыншылары қатарында Ти Джей Старкс 10 ұпаймен көзге түссе, Рустам Мурзагалиев пен Асқар Майдәкен 9 ұпайдан, Вадим Щербак — 7, ал Григорий Мотовилов — 5 ұпай жинады.
Келесі матчта елордалық ұжым 8 сәуір күні Қазанның УНИКС клубын қабылдайды. Ойын 20:00-де басталады.