Иброхимхалил Юлдошев «Қайратпен» жаңа маусымға дайындық жүргізуде
Футбол
KazFootball
Өзбекстандық қорғаушы Иброхимхалил Юлдошев Алматының «Қайрат» клубымен бірге оқу-жаттығу жиынында жүр, деп хабарлайды BasSport.kz, Meta-ratings.kz-ке сілтеме жасап.
Футболшының «Қайратпен» жалға алу келісімі 2024 жылдың соңында аяқталғанына қарамастан, ол Қазақстан чемпионы құрамында жаңа маусымға дайындық жасауда.
Еске салайық, Юлдошевты «Пари НН» клубынан жалға алу келісімінде алматылық клуб үшін ойыншыны сатып алу опциясы қарастырылған болатын. Қазіргі таңда тараптар қорғаушыны толықтай «Қайратқа» ауыстыру мәселесін талқылап жатыр.
2024 жылғы маусымда Юлдошев «сары-қаралардың» сапында барлық турнирде 23 матч өткізіп, 2 гол және 4 нәтижелі пасымен көзге түсті. Сонымен қатар, ол алматылық клубпен бірге Қазақстан чемпионы атанды.