“Бешікташ” Бақтиер Зайнутдиновтың ойынына жоғары баға берді
Футбол
ФК “Бешікташ”
Түркия Суперлигасының 19-туры аясында өткен «Бодрумспорға» қарсы матчта (2:1) қазақстандық жартылай қорғаушы Бақтиер Зайнутдинов «Бешікташ» сапында керемет ойын өрнегін көрсетті.
Клубтың баспасөз қызметі Instagram парақшасында Зайнутдиновтың суретін жариялап, оны тек бір сөзбен сипаттады – «жауынгер».
Айта кетейік, Бақтиер соңғы үш матчта «Бешікташтың» ұлттық біріншіліктегі ойындарына негізгі құрамда шығып жүр. «Бодрумспорға» қарсы кездесуде Қазақстан құрамасының футболшысы орталық қорғаушы позициясында өнер көрсетті. Жалпы, осы маусымда Зайнутдинов «Бешікташ» сапында 10 матч өткізіп, бір нәтижелі пас берген.