Елена Рыбакина сенімді жеңісімен Қазақстан құрамасын плей-оффқа шығарды
ҚТФ
Қазақстан құрамасы Аyстралияда өтіп жатқан United Cup турнирінде тағы бір жеңісіне қол жеткізіп, С тобында көш бастады, деп хабарлайды Bassport.kz.
Қазақстандық үздік теннисші Елена Рыбакина Грекия құрамасының көшбасшысы Мария Саккаримен кездесіп, сенімді жеңіске жетті. Әлемнің алтыншы ракеткасы алғашқы сетте қарсыласынан басым түсіп, 6:3 есебімен жеңіске жетті. Екінші сетте де Рыбакина тұрақтылық танытып, қарсыласына еш мүмкіндік бермей, тағы да 6:3 есебімен матчты аяқтады.
Бұл нәтижемен Қазақстан құрамасы Грекияны жалпы есепте 2:0 есебімен жеңіп, плей-оффқа жолдама алды.
Келесі кездесу аралас жұпта өтеді: Қазақстан құрамасынан Александр Шевченко мен Елена Рыбакина, ал Грекиядан Стефанос Циципас пен Мария Саккари ойнайды.
Алайда бұл ойын топтағы жағдайға әсер етпейді.
Қазақстанның ширек финалдағы қарсыласы кейін анықталады.