Азамат Дәулетбеков өзбек балуанын финалда жеңіп, турнир чемпионы атанды
Күрес
ҰОК
Азамат Дәулетбеков халықаралық турнирдің жеңімпазы атанды, деп хабарлайды Bassport.kz.
Бүгін Таразда Дінмұхаммед Қонаевты еске алуға арналған беделді халықаралық турнир аяқталды. 92 келі салмақ дәрежесінде өткен финалда қазақстандық балуан Азамат Дәулетбеков өзбекстандық Шерзод Пойоновпен кездесті. Белдесу толықтай қазақстандық спортшының басымдығымен өтіп, ол 3:0 есебімен жеңіске жетті.
Айта кетейік, Азамат Дәулетбеков Париждегі 2024 жылғы Олимпиадада сәтсіздікке ұшырағаннан кейін, 92 келі салмақта Қазақстан кубогын жеңіп алған болатын. Негізгі салмағы – 86 келі.