Анна Данилина Мексикада іріктеу турнирін сәтті бастады
ҚТФ
Қазақстандық теннисші Анна Данилина жекелей сында Монтеррей (Мексика) WTA 500 турнирінің іріктеу сайысын жеңіспен бастады, деп хабарлайды Bassport.kz ҚазАқпаратқа сілтеме жасап.
Дүниежүзілік рейтингіде 951-орында тұрған А.Данилина алғашқы кездесуін әлемнің 634-ракеткасы, норвегиялық Ульрикке Эйкеримен өткізді.
Қазақстандық теннисші 6:3, 7:6 (7:3) есебімен жеңіске жетті.
Сағат жарымнан астам уақытқа созылған кездесуде Анна 13 эйс жасап, 5 брейк-пойнттың екеуін пайдаланды. Эйкери 1 эйс, 1 брейктен (5 брейк-пойнт) аса алмады.
Анна Данилина іріктеу сайыстарының финалында әлемнің 278-ракеткасы, Израиль өкілі Лина Глушкомен шеберлік таластырады. Оны ұтқан жағдайда негізгі жарысқа жолдама алады.
Монтеррей додасы 19-24 тамыз аралығында өтеді деп жоспарланған.
А.Данилинаның негізінен жұптық сынға маманданған теннисші екендігі мәлім.