Қазақстан дзюдо федерациясы жылдың үздіктерін марапаттады
Қазақстан дзюдо федерациясы 2023 жылғы спорт маусымын қорытындылады 22 желтоқсан күні Қазақстан дзюдо федерациясы 2023 жылғы спорт маусымын қорытындылап, үздік нәтиже көрсеткен спортшылар мен бапкерлерді, федерация мамандарын марапаттады.
Федерация президенті Қуанышбек Бахытбекұлы Есекеевтің жетекшілігімен өткен шараға ұйымның вице-президенттері, ұлттық құрама жаттықтырушылары мен спортшылары, Қазақстан жастар және жасөспірімдер құрама командаларының бапкерлер құрамы мен спортшылар, ғылыми-кешенді топ өкілдері қатысты.
Биыл дзюдо спортынан үздік нәтиже көрсеткен спортшылар қатарынан жазғы Азия ойындарының жүлдегерлері Абиба Абужақынова - 5000$, Мағжан Шамшадин - 3000$, Эсмигүл Куюлова - 3000$, Абылайхан Жұбаназар - 3000$, Нұрлыхан Шархан - 3000$ марапатталып, Жастар арасындағы әлем чемпионатының жүлдегерлері Жанарыс Рахметқали - 1500$, Талғат Орынбасар - 1500$, Жасөспірімдер арасындағы әлем чемпионатының жеңімпазы мен жүлдегерлері Нұрлан Исатаев - 1 000 000 тг, Балғабай Досбол - 400 000 тг, Сабина Юлдашбекова - 500 000 тг, Оралбек Байзақ - 400 000 тг, Берікбол Жұманбеков - 400 000 тг мөлшеріндегі сертификат тапсырылды.
2023 жылғы спорт маусымында жоғарғы нәтиже көрсеткені үшін Камила Берліқаш пен Ғалия Тынбаева, сондай-ақ бапкерлер құрамы, Нұрбол Сүлейменов пен Ерлан Алпысбаев бастаған Қазақстан ұлттық құрама командаларының бапкерлер қосыны, Қазақстан жастар мен жасөспірімдер құрама командаларының аға жаттықтырушылары, ұлттық құраманың массажист, дәрігерлері, федерация қызметкерлері марапатталды. Ісшара соңында Федерация президенті спортшылар мен бапкерлерге, ұжымға алғыс білдіріп, келер Олимпиадалық маусымға сәттілік тіледі.
Қазақстан дзюдо федерациясының бас серіктесі - "Самұрық-Қазына" АҚ, серіктес - "Sport Qory" туризм индустриясы мен спортты қолдау қоры.