Мадридтік «Реалдың» Қазақстанға келу уақыты белгілі болды
Футбол
Чемпионат
Чемпиондар Лигасы аясында алматылық «Қайратқа» қарсы ойнау үшін мадридтік «Реалдың» ұшып келу уақыты белгілі болды, деп хабарлайды Bassport.kz «Дядя Ваня» телеграм-арнасына сілтеме жасай отырып.
“Бүгін футболшылар Испания астанасында орналасқан Адольфо Суарес атындағы Барахас халықаралық әуежайынан сапарға шығады. Ұшақ жергілікті уақытпен сағат 13:30-да көтерілді. Ұшу ұзақтығы – 8 сағат 20 минут. Жоспар бойынша, олар Алматы әуежайына түнгі 00:50-де қонады”, - деп жазды.
Еске сала кетейік, «Қайрат» пен «Реал» арасындағы кездесу 30 қыркүйекте Алматыда өтеді. Турнирдің алдыңғы турында қазақстандық клуб сырт алаңда португалиялық «Спортингтен» 1:4 есебімен ұтылса, «Реал» өз алаңында француздың «Марселін» 2:1 есебімен жеңген болатын.