Қазақстан құрамасының алдағы матчтарға шақырту алған құрамы жарияланды
KFF
Қазақстан футбол федерациясы 2026 жылғы әлем чемпионатының іріктеу кезеңіндегі қазан айындағы ойындарға шақырту алған ұлттық құрама ойыншыларының тізімін ұсынды.
Команда алдымен 10 қазанда Астанада Лихтенштейнге, содан кейін 13 қазанда Скопьеде Солтүстік Македонияға қарсы алаңға шығады. Ұлттық құрама оқу-жаттығу жиынын 1 қазан күні Астанада бастайды. Бас бапкердің есімі әзірге жарияланған жоқ.
Қақпашылар: Мұхаммеджан Сейсен, Стас Покатилов, Бекхан Шайзада, Қажымұқан Төлепберген.
Қорғаушылар: Әлібек Қасым, Ян Вороговский, Сергей Малый, Сұлтанбек Астанов, Сағадат Тұрсынбай, Нұралы Әліп, Әділбек Жұмаханов, Александр Зуев, Наурызбек Жагоров, Бағдат Қайыров, Еркін Тапалов, Александр Мрынский.
Жартылай қорғаушылар: Рамазан Оразов, Алмас Төлібай, Ғалымжан Кенжебек, Муроджон Халматов, Эльхан Астанов, Дамир Қасаболат, Георгий Жуков, Бақтияр Зайнутдинов, Исламбек Қуат, Дінмұхаммед Қараман, Серікжан Мужиков, Дәурен Жұмат, Айбол Әбікен, Ислам Чесноков.
Шабуылшылар: Оралхан Өміртаев, Максим Самородов, Дастан Сатпаев, Айбар Жақсылықов, Алияр Мұхаммед, Иван Свиридов, Рамазан Кәрімов, Артур Шушеначев.
Қазақстан құрамасы осы екі ойында өз жанкүйерлерінің қолдауымен іріктеу кезеңіндегі ұпай қорын толықтырып, келесі кезеңге өту мүмкіндігін арттыруды көздейді.