Дастан Сатпаев «Челсиге» қарсы ойнай ала ма?
ФК Челси
Алматылық «Қайраттың» 17 жастағы шабуылшысы Дастан Сатпаев Чемпиондар лигасының топтық кезеңінде өз болашақ клубына қарсы алаңға шыға ала ма деген сұраққа Британиядан нақты жауап берілді, деп хабарлайды Bassport.kz.
Еске сала кетейік, қазақстандық клуб плей-офф кезеңінде «Селтикті» (0:0, 3:2 пенальти бойынша) жарыстан шығарып, тарихта алғаш рет негізгі кезеңге өтті. Сатпаев қарымта ойынды ескерту қағаздарының көптігіне байланысты жіберіп алды, бірақ алдыңғы кезеңдерде айтарлықтай үлес қосып, «Кайраттың» тарихи жетістігінің басты кейіпкерлерінің бірі саналады.
Жаңа регламентке сәйкес, Чемпиондар лигасында бір қоржыннан шыққан клубтар басқа төрт қоржындағы командалармен түйіседі. Осылайша «Кайраттың» «Челсиге» қарсы ойнау ықтималдығы шамамен 25 пайызды құрайды.
Айта кетейік, Дастан Сатпаев қаңтар айында «Челсимен» алдын ала келісімшартқа қол қойған. Ол ағылшын клубына тек 2026 жылдың жазында ауысады. Осыған байланысты жанкүйерлер оның болашақ командасына қарсы алаңға шыға ала ма деген сауал қойған болатын.
The Sun мәліметінше, жас шабуылшы Чемпиондар лигасындағы мүмкін ойында «Челсиге» қарсы өнер көрсете алады. Бұл жағдай бразилиялық Эстеван Виллианның мысалына ұқсас, ол да клубтық әлем чемпионатында «Палмейрастың» сапында болашақ командасы «Челсиге» қарсы ойнаған еді.
Қазіргі маусымда Сатпаев барлық турнирлерде 30 матч өткізіп, 12 гол соқты және 8 нәтижелі пас берді. Transfermarkt деректеріне сәйкес, оның нарықтық бағасы 1,8 миллион еуроны құрайды.