УЕФА Чемпиондар лигасы бірінші іріктеу кезеңінің жеребесі өтеді
Футбол
Бүгін сағат 17:00-де УЕФА Чемпиондар лигасы бірінші іріктеу кезеңінің жеребесі тартылады.
Бірінші кезеңге қатысатын 30 команда 3 топқа бөлінеді, әр топта «еленгендер» мен «еленбегендер» болады. Қазақстан чемпионы қостанайлық «Тобыл» бірінші топта «еленбегендер» қатарына түсті. Қостанайлық команданың қарсыласы болгариялық «Лудогорец», румыниялық «ЧФР», венгриялық «Ференцварош», словениялық «Марибор» және люксембургтік «Дюделанж» секілді командалардың бірі болады.
Жеңімпаз Чемпиондар лигасының екінші іріктеу кезеңіне өтеді, ал жеңіліп қалғандар Конференциялар лигасының екінші іріктеу кезеңіне түседі.
УЕФА Чемпиондар лигасы бірінші іріктеу кезеңі жеребесінің тікелей трансляциясы ru.uefa.com көруге болады.