Саят Шамшиев ММА спорт шебері Данил Ельбаевты жеңді (ВИДЕО)
Күрес
"Қазақстан барысы" баспасөз қызметі
«Қазақстан барысы - 2024» турнирінің қола жүлдегері Саят Шамшиев «Дала қырандары» республикалық турнирінде ММА спорт шебері Данил Ельбаевпен белдесіп, жеңіске жетті. Бұл туралы Bassport.kz хабарлайды.
11 қаңтарда елордадағы Жақсылық Үшкемпіров атындағы жекпе-жек сарайында қазақ күресінен «Дала қырандары» республикалық турнирі өтті.
Биылғы турнир ерекше форматта ұйымдастырылды. Шараға шоу элементтері енгізіліп, танымал қазақстандық палуандар мен ММА спортшылары боз кілемде кездесіп, қазақ күресінің ережелері бойынша белдесті.
Саят Шамшиевтен бөлек, ұлттық спорт өкілдері Руслан Әбдіразақов пен Василий Тахтай да ММА спортшылары Фарид Абдуллаев пен Ислам Джангоразовқа қарсы күресіп, ұлттық күресіміздің тартымдылығын көрсетті.