Өзбекстандық футболшының «Манчестер Сити» клубына ауысу құны белгілі болды
Футбол
Getty Images
Инсайдер Фабрицио Романо 20 жастағы өзбек қорғаушысы Абдуқодир Хусановтың «Ланстан» «Манчестер Сити» клубына ауысу құны туралы мәлімет берді, деп хабарлайды Bassport.kz.
Романоның мәліметінше, «Ланс» бұл трансфер үшін 40 миллион еуро және қосымша бонус алады. Клубтар келісімге қол жеткізді, ал медициналық тексерістен өткен соң Хусанов ағылшын клубымен төрт жылдық келісімшартқа отырады.
Қызығы, бір жарым жыл бұрын «Ланс» Абдуқодир Хусановты Беларусьтің «Энергетик-БГУ» клубынан небәрі 100 мың еуроға сатып алған болатын. Қазіргі таңда Transfermarkt.de порталы қорғаушыны 12 миллион еуроға бағалап отыр. Биылғы маусымда Хусанов «Ланс» сапында 16 ойын өткізіп, бір нәтижелі пас берген.