Рауль Аллахвердиев «Гентпен» келісімшартқа қол қоюға жақын
Футбол
ФК “Жеңіс”
18 жастағы қазақстандық шабуылшы Рауль Аллахвердиев бельгиялық «Гент» клубымен келісімшартқа қол қоюға жақын, деп жазады BasSport.kz.
Meta-ratings.kz-тің хабарлауынша, сәуір айының бірінші жартысында Аллахвердиев Бельгияға барып, келісімшартқа қол қояды. Алғашқы кезеңде ол «Генттің» жастар құрамасында (U-21) ойнайды.
Рауль 15 жасында кәсіби футболдағы дебютін елордалық «Жеңіс» сапында жасаған.
2023 жылы Аллахвердиев Transfermarkt нұсқасы бойынша өз жылындағы ең қымбат 50 ойыншының қатарына кіріп, 45-орынды иеленді. Оның нарықтық құны 175 мың еуроға бағаланды — бұл өз жасындағы қазақстандық футболшылар арасындағы ең жоғары көрсеткіш.