ҚР жастар құрамасының шабуылшысы Асанәлі Сәркенов НХЛ драфтына қатысуы мүмкін
Хоккей
ҚХФ
Қазақстан жастар хоккей құрамасының шабуылшысы, қазіргі таңда WHL-дың «Спокан Чифс» командасында өнер көрсететін Асанәлі Сәркенов алдағы НХЛ драфтында таңдалуы әбден мүмкін, деп хабарлайды BasSport.kz, Shaiba.kz-ке сілтеме жасап.
Ұлттық хоккей лигасының Орталық скауттық бюросының болжамына сәйкес, 18 жастағы хоккейші жалпы 125-нөмірмен таңдалуы ықтимал.
Ағымдағы маусымда Сәркенов «Спокан Чифс» сапында 30 матч өткізіп, 20 ұпай жинады (8 гол және 12 нәтижелі пас). Бұдан бөлек, Қазақстан жастар құрамасы сапында Оттавада өткен әлем чемпионатында үш матчта бір шайба соғып үлгерді.