Ислам Чесноков 2024-жылдың үздік ойыншысы атанды
ФК “Тобыл”
Ислам Чесноков өткен маусымның үздік ойыншысы атанды, деп хабарлайды BasSport.kz Prosports.kz-ке сілтеме жасап.
Сегізбаев Тимур Санжарұлы атындағы номинацияға «Тобыл» клубының футболшысы Ислам Чесноков лайық деп танылды.
Үздік ойыншы турнирге қатысқан клубтардың капитаны мен бапкерлері дауыс беру арқылы анықтады.
25 жастағы жартылай қорғаушы осы маусымда 10 гол соғып, 2 нәтижелі пас берді. Ол 75 сәтті дриблинг жасап, 8 кілттік пас (хG - 7.06) шығарды. Ислам осы маусымда үш мәрте айдың үздік ойыншысы ретінде танылып, QFL Премьер-лигасында үздік сұрмерген атанды.
Осылайша маусымның барлық үздігі анықталды:
– Үздік ойыншы – Ислам Чесноков;
— Үздік бапкер – Григорий Бабаян;
— Үздік жас ойыншы – Әділбек Жұмаханов;
— Үздік қақпашы – Стас Покатилов;
— Үздік қорғаушы – Ян Вороговский;
— Үздік жартылай қорғаушы – Гиорги Зария;
— Үздік шабуылшы – Жоао Пауло.