Валентина Хальзова 11-рет Қазақстан чемпионы атанды
Бокс
ҰОК
24 желтоқсан күні Қарағандыда өткен бокстан Қазақстан чемпионатының финалында әйелдер арасында 75 келіге дейінгі салмақ дәрежесінде жеңімпаз анықталды, деп хабарлайды BasSport.kz.
Финалдық жекпе-жекте астаналық Валентина Хальзова Қостанай облысының өкілі Анастасия Баязитовамен қолғап түйістірді. Төрешілер шешімімен 5:0 есебімен жеңіс Хальзоваға берілді.
Осылайша, Валентина Хальзова 11-рет Қазақстан чемпионы атанды.
Айта кетейік, Валентина Хальзова – 2016 жылғы әлем чемпионы, 2022 және 2023 жылдары өткен әлем біріншіліктерінің қола жүлдегері, сондай-ақ 2017 жылғы Азия чемпионатының күміс жүлдегері.