«Жарайсың бауырым»: Черчесов Абат Айымбетовты кезекті голымен құттықтады
Футбол
KFF
Футболдан Қазақстан ұлттық құрамасының бас бапкері Станислав Черчесов әлеуметтік желіде Абат Айымбетовты голымен қазақ тілінде құттықтады, деп хабарлайды BasSport.kz.
“Ойыншыларымыздың еуропалық чемпионаттардағы жетістіктерін ұдайы бақылап отырам. Кеше шабуылшы Абат Айымбет Түркиядағы чемпионатта "Адана Демирспор" үшін гол салды. Бұл оның үшінші матчтағы үшінші голы. Міне бүгін Абатқа қоңырау соғып, жетістігімен құттықтадым. Осы қарқынды төмендетпеуіне тілектестік білдірдім. Ол дарынды жігіт, болашағы алда. Жарайсың, бауырым!- деді Черчесов”
Айта кетейік, Абат Айымбетов «Хатайспор» қақпасына дәл соққы бағыттап, гол салып көзге түскен еді.
Еске сала кетейік, Қазақстан футбол федерациясы Черчесовтың қызметін әрі қарай жалғастыратын растаған болатын.