ҚФФ: «Черчесов бас бапкерліктен кетеді деген ақпарат жалған»
Футбол
KFF
Қазақстан футбол федерациясының баспасөз қызметі Станислав Черчесовтің қызметінен кетпейтінін растады, деп хабарлайды BasSport.kz.
Футболдан Қазақстан ұлттық құрамасының бас бапкері Станислав Черчесовтің қызметінен кетуі туралы кейбір бұқаралық ақпарат құралдарында жарияланған ақпарат шындыққа жанаспайды, деді федерацияның баспасөз қызметі.
Оған қоса, Ресейлік бапкердің келісімшарт бойынша жұмыс жасайтынын да жеткізді:
Қазіргі таңда Станислав Черчесов Ұлттық құраманың бас бапкері қызметін жалғастырып, Қазақстан футбол федерациясымен келісімшарт бойынша жұмыс істейді.