Спорттағы үздіктер анықталды

Астанада өткен жыл сайынғы «Үздік-2024» сыйлығының иегерлері марапатталды. Туризм және спорт министрлігінің ұйымдастыруымен өткен бұл шарада еліміздің спорттағы үздіктері ерекше құрметке бөленді.

Министр Ербол Мырзабосынов өз сөзінде 2024 жылдың қазақстандық спорт үшін тарихи жыл болғанын атап өтті. Париж Олимпиадасында Елдос Сметовтың дзюдодан алтын жүлде жеңіп алуы және Нариман Құрбановтың гимнастикадан тұңғыш медаль әкелуі ел спортының жаңа белесін айқындады. Сондай-ақ, Ақмарал Науатбек пен Давид Дегтярев сынды параспортшыларымыздың жеңістері зор мақтанышқа айналды.

Биылғы жылдың тағы бір маңызды оқиғасы – Астанада өткен 5-ші Дүниежүзілік көшпенділер ойыны. Қазақстан құрамасы 89 елдің спортшыларымен сайысып, жалпыкомандалық есепте үздік атанды.

«Үздік-2024» сыйлығының жеңімпаздары:

Елдос Сметов, Давид Дегтярев – «Жылдың үздік спортшысы»;

Ғалымжан Жылгелдиев, Юрий Колесников – «Жылдың үздік жаттықтырушысы»;

Ақмарал Науатбек – «Спортта үздік серпін»;

Алматы қаласындағы «Жоғары спорт шеберлігі мектебі» – «Жылдың үздік спорт ұйымы»;

Жамбыл облысының дене шынықтыру және спорт басқармасы – «Үздік спорттық өңір».

Грек-рим, еркін және әйелдер күресі федерациясы – «Жылдың үздік аккредиттелген спорт федерациясы»;

Қуанышбек Есекеев, Қазақстан дзюдо федерациясының президенті – «Жылдың үздік аккредиттелген спорт федерациясының президенті»;

Еркебұлан Ілиясов, «Жамбы ату федерациясы» РҚБ президенті – «Үздік спорт меценаты»;

Kaz Minerals - «Үздік спорт меценаты»;

Ғизат Түсіпаев – «Жылдың үздік ауыл жаттықтырушысы»;

Ерлан Тасболатов – «Ауылдық жердегі үздік дене шынықтыру және спорт әдіскері»;

Дархан Шариғатов – «Ауылдық жердегі үздік дене шынықтыру және спорт нұсқаушысы»;

Мақат аудандық мәдениет, тілдерді дамыту, дене шынықтыру және спорт бөлімі – «Аудандық үздік дене шынықтыру және спорт бөлімі»;

Илья Мизерных – «Жас және жасөспірімдер құрамындағы спортшы»;

Сергей Сергеев – «Жылдың үздік балалар жаттықтырушысы»;

Надежда Ким – «Дене шынықтыру және спорт саласындағы үздік маман»

Сонымен қатар, журналистер арасында да үздіктер анықталды. «Хабар» арнасынан Жандос Айтбайұлы, «Егемен Қазақстан» газетінің тілшісі Қуаныш Нұрданбекұлы және «Sport+» сайтының журналисі Назерке Сұлтанбек Сейдахмет Бердіқұлов атындағы арнайы сыйлыққа ие болды.

Министр Мырзабосынов алдағы 2025 жылы өтетін қысқы Азия ойындары мен Олимпиада лицензияларын жеңіп алу жолындағы маңызды кезеңді атап өтіп, спортшыларымыздың келесі жылы да табысқа жететініне сенім білдірді.