Лионель Месси “Манчестер Ситиге” ауысуы мүмкін
Rich Storry
“Интер Майами” командасының аргентиналық шабуылшысы Лионель Месси уақытша клубын ауыстырып, Англияның “Манчестер Сити” командасына ауысуы мүмкін, деп хабарлайды BasSport.kz Vesti.kz-ке сілтеме жасап.
Тuttosport-тың мәліметінше, “қалалықтардың” бас бапкері Хосеп Гвардиола аргентиналық жұлдызды маусымның соңына дейін жалға алуға қызығушылық танытып отыр. Испандық маманның пікірінше, мұндай қадам команда ойынын нығайтып, жеңісті жолға оралуға көмектеседі.
Айта кетейік, Месси “Барселона” сапында Гвардиоланың жетекшілігімен ойнаған болатын. Сонымен қатар, “Интер Майамидің” қосалқы иесі Дэвид Бекхэм де бұл трансферге оң қабақ танытуға дайын екенін мәлімдеді. Алайда, соңғы шешімді Мессидің өзі қабылдайды, егер ол Англия Премьер-лигасында ойнағысы келсе.
Еске сала кетейік, Лионель Месси 2023 жылдың жазында “ПСЖ” клубынан “Интер Майамиге” еркін агент ретінде ауысты. Америкалық клуб үшін ол 39 матчта 34 гол соғып, 19 нәтижелі пас берген.