Бақтияр Артаев Қызылорда облысының спорт басқармасының басшысы болып тағайындалды
Қызылорда облысының әкімдігі
Танымал қазақстандық боксшы, Олимпиада чемпионы Бақтияр Артаев Қызылорда облысының дене шынықтыру, спорт және туризм басқармасының басшысы қызметіне тағайындалды, деп хабарлайды Bassport.kz Қызылорда облысы әкімдігінің фэйсбук парақшасына сілтеме жасап.
Қызылорда облысының әкімі Нұрлыбек Нәлібаевтың төрағалығымен әлеуметтік-экономикалық көрсеткіштерге, кадрлық өзгерістерге орай актив отырысы өтті.
Жиында аймақ басшысы Қызылорда облысының дене шынықтыру, спорт және туризм басқармасының жаңа басшысы Артаев Бақтияр Ғарифоллаұлын таныстырды.
Еске сала кетейік, Бақтияр Артаев 2004 жылы Афиныда өткен Олимпиада ойындарында ел қоржынына алтын салған болатын, Вэл Баркер Кубогының иегері, халықаралық спорт шебері, Қазақстанның еңбек сіңірген спорт шебері, бокстан Қазақстан Республикасының 7 дүркін чемпионы.