Сағындық Тоғамбай 2024 жылғы Азия чемпионы атанды
Бокс
Спортты дамыту дирекциясы
Таиландтың Чиангмай қаласында өткен Азия чемпионатында қазақстандық боксшы Сағындық Тоғамбай 92 келіге дейінгі салмақ дәрежесінде финалдық жекпе-жегін өткізді, деп хабарлайды Bassport.kz.
Тоғамбай алтын жүлде үшін тәжікстандық Парвиз Каримовпен кездесті. Кездесу екінші раундта үш нокдауннан кейін төрешінің шешімімен тоқтатылып, Сағындық мерзімінен бұрын жеңіске жетті. Осылайша, ол Азияның 2024 жылғы чемпионы атанды. Ал Парвиз Каримов күміс медаль еншіледі.
Айта кетейік, Сағындық Тоғамбай 2022 жылғы Азия чемпионаты мен жазғы Азия ойындарының қола жүлдегері. Сонымен қатар, ол жастар арасындағы Азия біріншілігінің үш дүркін чемпионы.