Қазақстандық Алексей Чуркин ауыр атлетикадан әлем чемпионатында күміс медаль жеңіп алды
Басқа
ҰОК
Бахрейннің Манама қаласында өткен ауыр атлетикадан әлем чемпионатында Қазақстан атынан өнер көрсеткен Алексей Чуркин күміс жүлдеге ие болды, деп хабарлайды Bassport.kz Olympic.kz-ке сілтеме жасап.
Чуркин 81 килограмға дейінгі салмақ дәрежесінде сынға түсті. Қоссайыс нәтижесі бойынша ол 368 (164+204) килограмм көтеріп, екінші орын алды.
Алтын медальды Солтүстік Корея өкілі Ри Чон Чон 371 (166+205) килограмм нәтижесімен жеңіп алды. Қола жүлде өзбекстандық Мұхаммадқодир Тоштемировке бұйырды — 355 (165+190) килограмм.
Бұл салмақта тағы бір қазақстандық Александр Уваров та жарысқа қатысып, 351 (160+191) килограмм нәтижесімен бесінші орынға табан тіреді.