Максим Самородов қатарынан үш ойында гол соқты
Футбол
ФК “Ахмат”
Қазақстан құрамасының шабуылшысы Максим Самордов ресейлік «Ахмат» сапында қатарынан үшінші ойында мергендігімен көзге түсті, деп хабарлайды Bassport.kz Yersport-қа сілтеме жасап.
Алдымен «Крыля Советов» (16-тур) командасына гол соққан Максим, екінші ойында «Зенит» (Ресей Кубогы) қақпасына гол соғып, үшінші ойында «Динамо Мәскеу» (17-тур) қақпасын дәл көздеді.
Өкінішке қарай Грозный қаласының командасы Максим гол соққан үш ойынның екеуінде жеңіліп, бір ойында тең түсті. Самородов «Ахмат» қрамында 16 ойынға қатысып, 4 гол соқты. Сонымен қатар Максимнің еншісінде 2 нәтижелі пас бар.
Дәл қазір «Ахмат» 17 ойыннан кейін 10 ұпай жинап, турнирлік кестеде 15-орында келеді.