Фрэнк Лэмпард «Ковентри Сити» футбол клубының бас бапкері атанды
Футбол
Чемпионат
Фрэнк Лэмпард Чемпионшипте өнер көрсететін «Ковентри Сити» командасының бас бапкері қызметіне тағайындалды. Бұл туралы ағылшындық команда өзінің ресми сайтында мәлімдеді, деп хабарлайды Bassport.kz Yersport.kz-ке сілтеме жасап.
«Ковентри Сити» командасы 46 жастағы маманмен екі жарым жылдық келісімшартқа қол қойды. Лэмпард бас бапкер ретіндегі алғашқы ойынын 30 қарашада 18 тур аясында «Кардифф Ситиге» қарсы өткізеді.
Фрэнк Лэмпард осыған дейін Чемпионшипте «Дерби Каунти», премьер-лигада «Челси», «Эвертон» сияқты командаларда жұмыс істеген.