“Марадонаның стилінде” ресейліктер Самородовтың голын жоғары бағалады (ВИДЕО)
Футбол
ФК “Ахмат”
РПЛ-дың “Ахмат” пен “Крылья Советов” арасындағы матчында Қазақстан құрамасының шабуылшысы Максим Самородовтың голы ерекше назар аударды. Бұл туралы Bassport.kz хабарлайды.
Ресейлік спорт шолушысы Владимир Осипов “Ахмат” шабуылшысының шеберлігін жоғары бағалап, оны әйгілі аргентиналық форвард Диего Марадонаның 1986 жылғы әлем чемпионатындағы Англияға соққан голымен салыстырды.
“16-тур тек даулы төрешілік шешімдермен ғана емес, сонымен қатар керемет голдармен есте қалды. Самарадағы матчта екі тамаша гол соғылды. Әсіресе, Максим Самородовтың “Марадонаның стилінде” бес қорғаушыны айналып өтіп, соққан добы ерекше есте қалды”, – деп мәлімдеді Осипов.
Айта кетейік, “Крылья Советовқа” қарсы өткен матчта грозныйлық клуб 2:1 есебімен жеңіліске ұшырады. Қазіргі уақытта “Ахмат” турнирлік кестеде 15-орында тұр.