Шавкаттың жаттықтырушысы: “Қазақстанға жекпе-жексіз қайту — біз үшін тиімсіз”
Жекпе-жек
Instagram: @shavkatrahmonov94
DAR Team командасының мүшесі әрі Шавкат Рахмоновтың жаттықтырушысы Эдуард Базров Meta-ratings.kz сайтына берген сұхбатында Рахмоновтың келесі жекпе-жегіне қатысты соңғы жағдайларды бөлісті. Базровтың айтуынша, Шавкат қазіргі уақытта жаттығуын жалғастырып, алдағы қарсыласын күтуде.
«Бізге жекпе-жек қажет. Қазақстанға жекпе-жексіз оралу біз үшін тиімсіз. Кем дегенде бір қарсылас беруін күтеміз, себебі ұзақ үзіліс жасалмағаны жөн. Октагонға шығып, еңбегіміздің нәтижесін сезінуіміз керек. Үздік ондықтағы қарсыластардың бірін берсе, біздің қазіргі деңгейімізді байқап, күшімізді сынап көруге мүмкіндік болар еді», — деді ол.
Айта кетейік, 8 желтоқсанға жоспарланған жартылай орта салмақтағы чемпиондық белбеу үшін Шавкат Рахмонов пен Белал Мұхаммедтің кездесуі Мұхаммедтің жарақатына байланысты өтпей қалды.