Нұралы Әліп РПЛ-дегі ең қымбат ойыншылардың бірі
Футбол
ФК “Зенит”
Қазақстан ұлттық құрамасы мен «Зенит» клубының қорғаушысы Нұралы Әліп Халықаралық спорттық зерттеулер орталығының (CIES) мәліметі бойынша Ресей премьер-лигасының ең қымбат 20 ойыншысы қатарына енді, деп хабарлайды Bassport.kz
Әліптің нарықтағы құны 10,4 миллион еуроға бағаланып, ол тізімде 14-орынды иеленді. Сонымен қатар, «Зенит» әлемдегі ең қымбат 100 клубтың қатарында 55-орынға жайғасты, ал команданың жалпы құны 237 миллион еуроны құрайды.
Әлемдегі ең қымбат клубтар тізімінде «Реал Мадрид» (1,728 млрд еуро), «Манчестер Сити» (1,471 млрд еуро) және «Челси» (1,388 млрд еуро) көш бастап тұр.
Айта кетейік, Нұралы Әліп 2022 жылдан бері «Зенит» сапында өнер көрсетіп, клубпен бірге Ресей чемпионаты мен Кубогын жеңіп алған.