Гвардиола «Манчестер Ситиде» «Реалдың» жұлдызын көргісі келеді
Футбол
Reuters
«Манчестер Сити» қысқы трансферлік терезеде жартылай қорғаушы іздеуі мүмкін. Fichajes порталының мәліметіне сәйкес, Англия чемпиондары «Реал» командасының ойыншысы Федерико Вальвердеге қызығушылық танытуда, деп хабарлайды Bassport.kz Euro-football.ru-ға сілтеме жасап.
Вальверде тірек аймақта да, шабуылға жақын позицияларда да ойнай алады, ал оның әмбебаптылығы «Манчестер Сити» бапкері Хосеп Гвардиоланы қызықтыруда. Алайда Федерико Вальвердеге трансфер жасау оңайға соқпайды, себебі Карло Анчелоттидің жүйесінде маңызды рөл атқаратын ойыншыны «Реал» жібермеуі мүмкін.
Айта кетейік, Transfermarkt порталының бағалауы бойынша, 26 жастағы Вальверде 130 миллион еуроға бағалануда.