«Астана» – «Ақтөбе» ойынына бара жатқан жанкүйерлер апатқа түсіп, бір адам қаза болды
Depositphoto
Қазақстан Премьер-лигасының 24-туры аясында «Астана» мен «Ақтөбе» командалары арасында өтетін матч қарсаңында қайғылы оқиға болды, деп хабарлайды Bassport.kz
Алматы қаласындағы ойынға жол тартқан «Астана» жанкүйерлері көлік апатына ұшырап, салдарынан бір жанкүйер қаза тапты.
«Астана» футбол клубының баспасөз қызметінің мәлімдеуінше, таңертеңгі сапар кезінде клубтың жанкүйері Нұрлан Ауғанбай қайтыс болды. Оқиға салдарынан үш жанкүйер әртүрлі жарақаттармен ауруханаға жеткізілді. Қазіргі уақытта олардың жағдайы туралы толық ақпарат берілмеді.
Фото: FC «Astana»
Еске салайық, «Астана Арена» стадионында жөндеу жұмыстары жүргізіліп жатқандықтан, елордалық команда ойындарын Алматыда өткізіп жүр. Бүгінгі «Астана» мен «Ақтөбе» арасындағы кездесу Алматыда сағат 18:00-де басталады.