Израильден Ресейге: Шушеначев жаңа команда сапына ауысты
Футбол
Ашық дереккөз
Қазақстан ұлттық құрамасының шабуылшысы Артур Шушеначев Израильдің «Хапоэль Беэр-Шева» клубынан Ресейдің «Сочи» клубына ауысты, деп хабарлайды Bassport.kz.
Бұл туралы алғашқылардың бірі болып «ФНЛ с Ильевым» телеграм-каналы жазды.
«Сочи» футбол клубы «Хапоэль Беэр-Шевадан» шабуылшы Артур Шушеначевті (189 см) жалға алды. Енді ол Владимир Писарскиге бәсекелес атанды», - делінген хабарламада.
Артур алматылық клубтан «Хапоэль» сапына 2024 жылдың ақпан айында ауысты. Ол израильдік клубта 20 ойын өткізіп, 2 гол салды. «Сочи» болса РПЛ-де қазір 9 турдан кейін 14 ұпаймен бесінші орында келеді. Клубты испаниялық маман Роберто Морено жаттықтырады.