Хамзат Чимаев UFC-мен келісімшарт жасасты
Жекпе-жек
Allboxing
UFC-де жеңілмеген спортшы Хамзат Чимаев промоушенмен жаңа келісімшарт жасады. Бұл туралы Championat.com-ға сілтеме жасай отырып BasSport.kz хабарлайды.
Бұл туралы ESPN GB-ға жауынгердің менеджері Махди Шамас айтқан.
Мәміленің шарттары жария етілмеген, бірақ бұл ұзақ мерзімді келісім екені анықталды. Алдыңғы келісімшарт бойынша Чимаев лигада тағы екі жекпе-жек өткізуі керек еді.
Естеріңізге сала кетейік, ертең, 21 қазанда UFC 294 турнирінде Хамзат нигериялық Камера Усманмен жекпе-жек өткізеді.
Бастапқыда Чимаев бразилиялық Пауло Костамен айқасуы керек еді, бірақ ол қолын жарақаттап алып, кездесуден бас тартты.
Чимаевтің еншісінде 12 жекпе-жек бар, ол солардың барлығында жеңіске жеткен.